![Copy-of-WEBSITE-18-×-10-in-2023-09-14T102954.758.jpg](https://i0.wp.com/rmn.ph/wp-content/uploads/2023/09/Copy-of-WEBSITE-18-×-10-in-2023-09-14T102954.758.jpg?resize=696%2C387&ssl=1)
Davao City – Priso sa Maa Police Station ang usa ka batan-ong matadero human malampusong napalitan sa kapulisan og illegal nga druga atol sa gikasang buy bust operation kagahapon September 13, 2023 sa Purok 18, Gem Village, Ma-a, Davao City.
Sa report sa Maa Police Station, naila ang suspect Jericho Castillo Lampa, 18-anyos, ulitawo, residente sa Gumamela St., Brgy. 5-A, Bankerohan, dakbayan sa Davao.
Narecover sa kapulisan sa suspetsado, .50 grams nga gituohang shabu adunay street market value P8,000 ug mga Illegal drugs paraphernalia. Ang dinakpan gikonsidera sa mga awtoridad nga Top 9 City Level Target sa syudad sa Davao.
Karong adlawa September 14, 2023 ipasaka ang kaso tungod sa kalapasan sa RA 9165 Comprehensive Dangerous Drugs of 2002 batok sa dinakpan.
RadyoMaN Don Pulayao
Facebook Comments