Zamboanga City-Despues el cuantos tiempo embuscada con el lider del un grupo de maga Carnapper na ciudad de Zamboanga finalmente ya puede cuneste aresta el operatibas del B904th Mobile Company del Regional Mobile Force Battalion 9 durante el conducta del Law Enforcement Operation que ya conduci del pecha cinco de Marso 2018.
Con Sugala Ahalul legal el edad y residente de Barangay Cawit , ya sirvi el mandamiento de aresto na kaso de Carnapping o el violacion del section 2 y Section 14 del Acto Republica 6539.
Si Ahalul nombrao lider del un grupo quien embuelto na serye de maga perdicion de motorsiklo na coasta weste y incluhido na lista del Top Most Wanted Person baho na Zamboanga City Police Office.
Ya confisca na possession di ahalul el dos diutay sachet de alegao shabu , conel suspechao ya man turn over na custodia del Zamboanga City Police Station-9 para el propio disposition .
