*Echague, Isabela**- *Arestado na ng mga otoridad ang Top 1 Most Wanted Person sa bayan ng Echague, Isabela matapos isilbi ang Warrant of Arrest nito ganap na alas diyes ngayong umaga sa Brgy San Miguel, Echague, Isabela .
Nakilala ang akusado na si Modesto Pascual, 36 anyos, may-asawa at residente ng naturang lugar.
Matagumpay na naaresto ng mga kasapi ng PNP Echague si Pascual sa pangunguna ni Police Chief Inspector Andy Orilla sa bisa ng Warrant of Arrest na ipinalabs ni hukom Bonifacio Ong ng RTC Branch 24, Echague, Isabela dahil sa kasong Homicide.
Samantala, nakalaya rin ang akusado matapos makapagpiyansa ng halagang P40, 000.00.
Facebook Comments
