Dinas, Zamboanga del Sur – Naaresto sa otoridad ang Top Most Wanted Person sa lungsod sa Dinas dihang gilusad sa kapulisan ang operasyon alas 9:30 sa buntag sa Purok Gana-gana, Brgy. Ludiong sakop munisipyo sa Dinas.
Nadakpan sa tropa sa Dinas PNP ug Regional Special Operation Group nga gikan sa Police Regional Office ang suspek nga si Eddie Embodo Guerra, 49 anyos mag-uuma ug residente sa nahisgutang lugar.
Dala sa raiding team paingon sa balwarte sa targert ang duha warrant of arrest sa kasong frustrated murder ug murder nga gipirmahan ni Judge Felix Rodriguez sa branch 29, San Miguel, Zamboanga del Sur diin dunay pyansa nga mobalor sa P200 mil ka pesos samtang ang laing warrant of arrest usab sa kasong murder nga walay pyansa ang ilang dala nga pirmado ni Judge Romeo Descallar sa Branch 29, 9th Judicial Region Pagadian City .
Nasayran sa RMN Newsteam nga ang suspek tulo ka tuig nga nagtago-tago nga karun gipaslak na sa Dinas Municipal Detention Center.
