CAUAYAN CITY – Pinarangalan ng Ifugao Provincial Police Office ang mga nangungunang municipal police station sa November 2024 Unit Performance Evaluation Rating (UPER) sa provincial level.
Ang seremonya ay pinangunahan ni Deputy Provincial Director for Administration PLTCOL Crisante Sadino, kung saan iginawad niya ang mga Certificates of Commendation sa mga nagwaging istasyon ng pulisya.
Ang Aguinaldo Municipal Police Station ang nakakuha ng unang pwesto matapos makamit ang rating na 89.99%, sinundan ng Hingyon Municipal Police Station na may 88.80%, at ikatlo naman ang Mayoyao Municipal Police Station na nakatanggap ng 88.79%.
Ang natatanging performance na ito ay nagpapakita ng dedikasyon at komitment ng mga pulis sa pagpapanatili ng kaayusan at pagpapatupad ng batas sa kanilang nasasakupan.
