Davao City – Nagatuo ang usa ka kapitan sa Brgy. nga mabuhat sa presidential son nga si Baste Duterte ang iyang trabaho og ugaling muhulip man kini isip konsehal sa ikatulong distrito sa syudad sa Davao.
Kini ang gisaysay ni Brgy. Captain Rodulfo Te, kapitan sa Brgy. Daliao Toril atol sa interview sa DXDC RMN Davao kaniya.
Subay kini sa pagrekomenda ni Davao City Vice Mayor Al-ag kang Baste nga maoy muhulip sa iyang pwesto isip konsehal sa 3rd district.
Gani giindorso ni Al-ag ang presidential son ug gi-awhag ang mga miyembro sa Hugpong sa Tawong Lungsod nga magkahiusa sa pagpili nga muhulip sa nasangpit nga pwesto apan hulaton pa ang pag apruba niini ni President Rodrigo Duterte.
Apan matud ni Davao City Mayor Inday Sara Duterte Carpio, gibalibaran ni Baste ang maong posisyon hinuon wala na gisulti sa alkalde ang hinungdan sa iyang igsuon.
RadyoMaN Renz Barbarona
