Davao City – Gihimakak sa pamilyang Milana nga carnapper ang miembro sa ilang pamilya nga si William Bucod Milana kinsa napusilan-patay sa otoridad niadtong adlawng Lunes.
Sa interview sa DXDC RMN Davao kang Jessie Bucod Milana, igsuon sa suspek, nga dunay mental disorder ang iyang igsuon diin nagsugod pa kini niadtong 2009.
Dugang ni Jessie nga iya usab inahan adunay sama niini nga balatian.
Matud pa niya nga wa nila mabantayi ang ilang igsuon nga nilakaw niadtong tungora padulong sa dakbayan sa Davao ug nakurat na lamang sila dihang nadunggan ang gidangatan sa iyang magulang.
Gidugang ni Jessie nga posibleng nitukar ang sakit sa iyang igsuon human napasaran sa pagkaon hinungdan nawala sa maayong paminsar diin matod pa niya mumaneho kini og sakyanan inig makakita og behikulo nga nakaandar.
Gihimakak usab sa pamilya nga adunay dalang armas si William una pa man nahitabo ang insidente.
Hustiya ang singgit sa pamilyang Milana ngadto sa gidangatan sa iyang igsuon ug sa karon ila una ipahimutang ang patayng lawas ni William.
RadyoMaN Don Pulayao
