Nahimong pinasidunggang bisita ug mamumulong si Police Regional Office Davao Regional Director Police Brigadier General Alden Delvo sa kapin siglo na nga anibersaryo sa pagpanerbisyo sa kapulisan sa katawhan nga gipahigayon sulod sa DCPO Parade Compound.
Ang ika-122nd Anniversary Police Service dunay tema karong tuiga nga “Nagkakaisang Pulisya at Pamayanan tungod sa Mapayapa at Maunlad na Bansa” diin ang aktibidad gipangulohan mismo ni City Director Police Coronel Alberto Lupas.
Subay ani, mang-apod-apod usab og awards si PRO XI Director Alden Delvo ngadto sa mga opisyal, pipila ka pulis, mga departamento ug units sa DCPO ug presinto.
Sa individual awards, napili isip Best Senior Police Commissioned Officer for Administration si DCPO City Director Police Coronel Albert Lupas.
Nahatagan usab og Special Plaque of Recognition silang PCOL.Albert Lupas, PLTCOL.Noel Asumen sa 1st Davao City Mobile Force Company, PLTCOL.Randy Sambalod, Hepe sa 2nd Davao City Mobile Force Company, PLTCOL Jed Clamor, Deputy City Director for Administration, PLTCOL.IRENEO CABURNAT, Deputy City Director for Operations, PLTCOL. Paulino Zaulda Jr., Chief, City Investigation and Detective Management Unit, ug Roy Geonson, City Advisory Group for Police Transformation and Development.
DCPO SPECIAL UNIT AWARDEES sab ang CIDG Davao City Field Unit, Traffic Enforcement Unit, Cybercrime Response Team, Medical and Dental Team, Legal Team, Police Strategy Management Unit, EOD Canine Unit sa Davao City Police Office, ug lakip sa Awards mao ang 1102nd Maritime Police Station, Police Community Affairs and Development Group XI, ug Regional Intelligence Unit 11, City Intelligence Team.
Karong tuiga, napili isip Best Police Station ang Toril Police Station nga kanhi gipamunoan ni Police Major Michael Uyanguren kinsa gi-relieve sa katungdanan human gi-imbistigahan sa pagkahanaw sa iyang helper nga si Justine Mae Saldua niadtong buwan sa Agosto ning tuiga.
RadyoMaN Joel Viray
