Toril route fare: 27.50 pesos?

1278

Davao City – Undercharging.

Kini matud pa maoy gituohang gipatuman sa mga taga Toril nga operators sa ilang pamasahe sulod sa pila ka tuig.


Sa pakighinabi sa DXDC RMN Davao kang Land Transportation Franchising and Regulatory Board kun LTFRB XI OIC regional director Atty. Cattleya Acaylar, gibutyag niya ang fare matrix sa routa gikan sa Toril padulong downtown sa aircon ug non aircon.

Base sa fare matrix sa ilang buhatan, 27.50 pesos matud pa ang regular existing fare sa 18 kms nga routa sa Toril sa non aircon kun “uso-uso” jeep gikan Toril proper padulong Roxas avenue ug vice versa samtang 30 pesos ang regular fare sa de aircon nga epektibo pa dapat niadtong tuig 2008.

“Siguro among duda ana, undercharging kaayo sila unya karon siguro gisakitan sila sa presyo, atong regular fare jud dinha, 27.50 pesos,” segun sa abogado.

Subay kini sa mga reklamo sa mga manakayay sa maong routa og nganong dunay kalit nga pagtaas sa ilang pamasahe gikan 20 pesos nahimo ng 25 pesos sa ginatawag nga uso uso jeep.

Dugang ni Atty. Acaylar nga og ipatuman man ang 25 pesos ug di musubay sa fare matrix nga 27.50 pesos nga pasamahe, mapenaltehan na hinuon matud pa niini ang mga operators ug drivers.

Apan plano nilang ipatawag ang asosayon sa mga operators ug drivers sa maong routa alang sa pagpaklaro niining nahisgutan nga pamasahe sa jeep.

RadyoMaN Renz Barbarona

Facebook Comments