Davaop City – Tulo ka mga panimalay ang naugdaw human miulbo ang sunog sayo sa kadlawon karong adlawa sa F. Torres St., Brgy, 8-A, Davao City.
Sa report sa San Pedro PNP, nagsumikad ang sunog alas-2:05 sa kadlawon sa panimalay ni Rudy Castillo, 60-anyos diin nadamay ang mga panimalay nila Rolando Lahoy Sr. ug Edna Delo Santos.
Daling narespondehan sa BFP, Central 911 Fire Auxillary Services, Filipino Chinese Firefighters Foundation of Davao ug Davao Volunteer Fire Brigade ang maong insidente ug nadeklarang fire out alas-2:29 sa kaadlawon.
Sa imbestigasyon ni SFO1 Tereso Oyzon, Fire Investigator sa C. B. Bangoy Sr. Fire Station, electrical short circuit ang tinubdan sa maong sunog diin midamyos kini sa P380,000.
RadyoMaN Jason Amisola / RadyoMaN Don Pulayao
