ORMOC CITY – Gintagan nira Ormoc City Mayor Richard Gomez ngan asawa hini nga hi Leyte Representative Lucy Torres hin laptop an mga nan-gradwar with honors ha Ormoc City.
Yana nga tuig in nanhatag hira hin 13 nga lenovo laptops ngan 13 nga printers ha mga scholar nga estudyante nga nan-gradwar nga Cum Laude ngan mamahalon naman nga Macpro para ha Magna Cum Laude.
An mga lucky scholars in hira Danica Visabella nga nakakarawat hin Macpro; ngan Juvelyn Dula, Noven C. Jayme, Mark Anthony Pecho, Christel Tangcawan, Marvin Teves, Christene Malasaga, Roselle C. Quilantang, Rea Kirby Costan, Jesseca Veril, Hannah Marie Dagohoy, Sarah Mae Justo, Mary Grace Suan ngan Lilibeth Aure.
Tinikangan tuig 2017, an Ormoc in mayada scholarship program tungod han ordinansa, 121 nga estudyante an napailarom hini nga programa. An iskolar in makakarawat hin P9,000 tuition, book allowance, ngan 2,000 pesos stipend. An mga nan-gradwar gihapon in nakakarawat hin 3,000 pesos graduation allowance.
Yana, 154 nga estudyante an ginkarawat han Ormoc City Government para han scholarship program, durudamo ini tungod han free tuition policy han Duterte Administration.
Gintikangan ini nga panhatag hin laptop nira Torres-Gomez dida pa han tuig 2011.
