Total ban sa pagsulod sa mga produkto sa karneng baboy gipatuman sa Bukidnon

42

Gipalapdan sa Executive Order 26 nga gipagawas ni Provincial Governor Jose Ma. R. Zubiri, Jr. ang temporaryong pagdili o pag ban sa pagsulod sa mga buhing baboy, karneng baboy lakip na ang mga produkto niini nga nagagikan sa nagkalain-laing probinsya sa tibuok nasod.

Base sa maong executive order, nga ang probinsya sa Bukidnon mao ang pinakadako nga producer sa karneng baboy sa Mindanao diin ang African Swine Fever o ASF usa ka seryosong hulga niini. Dugang usab niini nga obligasyon sa Provincial Government of Bukidnon nga maprotektahan ang negosyo sa mga baboyan sa probinsya lakip na niini ang luwas nga kahimsog sa panglawas sa katawhan batok sa hulga nga dala sa ASF.


Kini ang hinungdan nga giamendahan ang E.O No. 22 series of 2019 aron mapalapdan ang temporaryong pagdili sa pagsulod sa mga buhing baboy, karneng baboy, ug uban pang produkto niini lakip na ang frozen nga mga produktong karneng baboy nga nagagikan sa gawas sa probinsya sa Bukidnon.

Gimanduan usab sa maong executive order and tanang mga Local Chief Executive sa probinsya, syudad ug munisipyo nga pakusgan ang implementasyon sa biosecurity measures, hygiene and sanitation standards ug Information and Education Campaign o IEC sa ilang mga katawhan ug dritsong i-report kung adunay kalit nga pagkamatay sa ilang mga baboy ngadto sa Local Agriculture o Veterinary Office.

Kahinumduman nga unang gipagawas ni Gov. Zubiri ang Executive Order No. 22 ug giamendahan ug gipagawas kini kaniadtong Oktubre 14, 2019, aron mapalapdan pa ang pagdili o pag-ban sa mga binuhing baboy, karneng baboy ug mga produkto niini lakip na ang mga frozen products sa pagsulod sa probinsya.

Facebook Comments

From Advertisers