Ginaduso nanday Department of Tourism Secretary Wanda Teo kag Local Government Secretary Eduardo Año ang pagpatuman sang 60-day total closure sa mga establishmento sa isla sang Boracay sa tion sang rainy season.
Luyag sang mga ini nga siraduhon ang Isla sa tion sang tingulan sa diin manubo ang tourist arrival.
Nagalaum ni Teo kag Año nga magpasugot sa ila rekomendasyon si Environment Secretary Roy Cimatu.
Target nila nga siraduhon ang Boracay sa June 1 tubtob July 31.
“It’s total closure … because we have to repair the roads, drainage. And the demolition [of structures within the 30-meter easement zone] might be dangerous to tourists,” ang pahayag ni Teo.
Ang tatlo amo ang ginmanduan ni Presidente Rodrigo Duterte nga mag-rehabilitate sang isla sa sulod sang anum ka bulan. /// Photo from web
