Davao City – Maayo gayud nga ipatuman ang total ban sa pabuto aron mabatonan sa nasud ang ‘zero casualty’ panahon sa Pasko ug Bag-ong Tuig.
Sumala ni Davao City Police Office (DCPO) spokesperson Police Sr. Insp. Ma. Teresita Plaza Gaspan, mas maayo kung sundon sa ubang mga lugar sa nasud ang gihimo sa dakbayan sa Davao nga total ban gayud ang firecrackers ug pyrotechnics tungod sa kadelikado niini sa kinabuhi sa tawo.
Samtang gipasabot usab sa tigpamaba sa DCPO nga kung hingpit man nga bungkagon ang industriya sa pabuto, seguraduhon lang pud nga dunay matrabahoan ang mga maapektohang trabahante tungod kay mawad-an usab sila sa ilang panginabuhi.
RadyoMaN Bernard Pantallon
Facebook Comments
