Davao City – Gi-uyonan karon ang suhestyon nga undangon na sa hingpit ang paghimo, pagbaligya ug pagpabuto og mga firecrackers atol sa selebrasyon sa Pasko ingon man sa pagsugat sa Bag-ong Tuig.
Sumala ni Senior Fire Officer 2 (SFO2) Dan Celeste, Buhangin Fire Station Fire Investigator, importante kini aron malikay sa sunog kansang hinungdan mao ang mga pabuto nga mohatud og tumang disgrasya sa tawo.
Hinoon gipasabot ni Celeste nga adunay mga syudad o lugar nga gitugot gihapon ang pagpabuto diin bugtong himoon na lamang sa mga tawo mao ang pagtuman sa mga patakaran sama sa gidak-on o klase sa firecrackers ug lugar nga didto gitugotang magpabuto kun designated areas dili sama dinhi sa Davao nga hingpit gyud nga gidili ang firecrackers.
RadyoMan Bernard Pantallon
