Roxas City, Capiz – Naglab-ot na sa isa ka gatos(100) ang kabug-osan nga numero sang mga nag-ayo sa Coronavirus Disease(COVID) 2019 sa rehiyon sais.
Ini matapos nga marekord ang apat ka mga mga recoveries kahapon nga adlaw, Hunyo 12, 2020.
Ang mga ini ang ginalakipan nanday WV Patient Number 78 nga 43- anyos nga babaye halin sa distrito sang Arevalo sa syudad sang Iloilo; WV Patient Number 107 nga 44- anyos nga lalaki nga halin sa Jordan, Guimaras; WV Patient Number 111 nga 33- anyos nga lalaki halin sa distrito sang Lapus sa Iloilio City kag si WV Patient Number 114 nga isa ka 55- anyos nga lalaki halin naman sa Igbaras, iloilo.
Samtang kahapon man nga adlaw, Hunyo 12, 2020 naglab-ot na sa 137 ang nalista nga kabilogan nga kaso sang COVID 19 matapos nga nagpositibo si WV Patient Number 137, 52-anyos nga babaye halin sa Bacolod City kag isa ka locally stranded individual.
Base sa datos sang DOH-6, 26 ka mga pasyente ang active case nga padayon ginatatap sa mga health facilities samtang 11 naman ang ginbawian na sang kabuhi bangud sa COVID 19 infection.
