Tourism establishments hugot ginabantayan sa PNP batok quarantine violators

25

Davao City- Galusad og random inspection sa mga tourism establishments ang Davao City Police Office (DCPO) subay sa gi-intensify nga monitoring sa City Tourism Operations Office (CTOO) batok sa malapason sa gipatumang General Community Qurantine with heightened restrictions.

Sa interbyu sa RMN Davao kang Police Capt. Rosario Aguilar, hugot nilang ginahimo ang pagpatrolya ug pagsusi sa mga quarantine violators aron mapugngan ang padayong pagsutoy sa kaso sa COVID-19 sa syudad.


Giawhag ni Aguilar ang publiko nga musunod sa mga health protocols.

Gikasuhan og paglapas sa Republic Act 11332, kun Mandatory Reporting of Notifiable Diseases and Health Events of Public Health Concern Act ang mga tagdumala sa resort nga nagpahigayon og party sa usa ka resort sa Catalunan Pequeño ning syudad niadtong Domingo.

Sa report, ang nasangpit nga resort nagpahigayon og party nga adunay sobra sa 20 ka mga guests.

Matud kang Generose Tecson, City Tourism officer nga gidili ang social events ug pool nga mag operate subay sa DTI advisory 21-16 Guidelines sa GCQ.



RadyoMaN Aimee Guinita

Facebook Comments