Tourist arrival sa South cotabato mas nga naapektuhan sang COVID-19 pandemic.

23

Naglab-ot laman sa masobra 192 thousand ka mga turista ang nagbisita sa South Cotabato halin Enero tubtob Hunyo. Mas manubo ini sang 77 percent sa masobra 829 thousand tourist arrival sa lalawigan sa kapareho nga period sang nagligad nga tuig.
Apang paklaro ni Provincial Tourism Officer Argie Asaria nga wala sang turista sa probinsya sang Marso tubtob Hunyo tungod sa ginpatuman nga community quarantine measures tungod sa COVID-19 pandemic.
Aminado si Asaria nga ang pagnubo sang turista nga nagbisita sa South Cotabato ang nakaapekto sa pangabuhian sang mga pumuluyo , income sang mga tourism establishment kag local government units.
Suno kay Asaria pinakaapektado sang pagnubo sang tourist arrival sa South Cotabato ang mga hotel kag resort, transportation player, travel agencies, restaurants, kag mangin ang mga mangunguma.
Sa subong ginapasugtan na sang provincial government ang re-opening sang local tourism establisements kag sites sa South Cotabato. Apang suno kay Asaria dapat masiguro sang mga ini ang pagsunod sa health protocol kapareho sang 50 percent capacity, pagsuksok sang face mask kag faceshield kag pagsunod sa physical distancing.

Facebook Comments