Sikop karon ang usa ka suspek human kini gireklamo sa usa ka negosyante nga si Larry Suico Gallo, residente sa Compra, Liloy, ZDN, sa kapulisan sa maong lungsod.
Naila ang suspek nga si Michael Jimenez Ventura, 33 anyos, ang pangidaron, molupyo sa brgy. Masak, Godod, ug temporaryong nagpuyo sa brgy. Causwagan, Liloy.
Matod pa sa biktima nga si Ventura ang iya kining trabahante sa iyang negosyo nga bugas, apan wala ge remit sa suspek ang koleksyon nga mo balor sa 200,000 mil.
Hinungdan nga dali nga mi aksyon ang kapulisan sa pagpangulo ni PO3 Reales, aron pangitaon ang suspek, ug malampuson kining nasapon sa mga tinugyanan sa balaod didto sa brgy. Masak ug ang kwarta nawagtang na.
Gidala kini sa Liloy MPS, sa gihimong pagkapkap sa iyang kaugalingon nakuha ang usa ka gamayng pakete nga gituohang shabu.
Sa pagkakaron balhog na sa balay bilangguan ang suspek ug nag atubang na sa kasong gipasaka batok kaniya.
