Davao City – Nakuryentihan-patay ang usa ka trabahate sa Nursery sa Bago Oshiro ning syudad.
Naila sa Talomo PNP ang biktima nga si Hernan Nabuyo Jacosalem, 21 anyos nga taga Carmen North Cotabato.
Base sa report, nakurat na lang ang iyang mga kakaubanan sa trabaho human nilang nakita ang biktima nga nag buy-od na lang kini tupad sa mga tinapok nga seedling ug gidala pa kini sa tamabalan apan wala na kini kinabuhi.
Sa pagpanubay sa kapulisan, giingon sa kauban niini nga electrician nga nahawiran niini ang usa ka tie wire sa tension wire apan nakakonekta kini sa suga sa poste ug nagunitan niya kini hinungdan nakuryentihan ug nahulog sa tubigan nga gituohang maoy hinungdan sa pagkamatay.
Gidala na karon sa punerarya ang patayng lawas sa biktima.
RadyoMaN Paul Canono
