General Santos City- Padayong karon ang imbestigasyon sa mga kapulisan human sa pagpamusil sa usa ka trabahante sa quarry sa syudad sa Gensan.
Nailhan ang biktima nga usa ka Jovito Hallegado, 50 anyos og residente sa may Prk. Intake Barangay Mabuhay ning syudad sa GEnsan.
Alas 9:30 sa gabiii sa dihang nag-inom ang biktima kauban sa iyahang amigo sa ilahang panimalay, og kalit na lamang nga miduol ang suspek dayon pusil sa biktima.
Sumala pa nga misakay sa usa ka itom nga kotse ang suspek, 50 metros nga mi-park gikan sa ilahang panimalay.
Nakaangkon og samad pinusilan ang biktima, og daling gidala sa may balay tambalanan.
Dako ang pagtoo sa biktima nga tungod sa bangi sa yuta sa quarry nga iyahang gitrabahuan nga nahimutang sa may Barangay Mabuhay ang hinungdan sa pagmusil.
Padayon karon nga gina-imbestigahan sa mga kapulisan ang maong kaso, samtang ang biktima ang padayong nagpaalim sa iyahang samad sa ospital ( Report Kasamang Dave Silagan)
