Gitutokan karon sa Special Investigation Task Group (SITG) ang iyang trabaho pagkapolis nga usa sa posibling motibo sa pagpusil-patay sa kanhi hepe sa Cebu Provincial Intelligence Branch , Police Colonel Joie Yape.
Ang ground commander sa SITG , Police Colonel Giovanie Maines nibutyag nga nanghipos sila ug dugang impormasyon bahin sa mga kaso nga gihuptan kaniadto ni Yape apil na ang nabangga niini nga pipila ka mga polis ingon man giingong usa ka politika sa dihang anaa pa kini sa PIB.
Si Police Regional Office-7 Director , Police Brigadier General Valeriano De Leon nimando nsa SITG nga paspasan ang imbistigasyon sa krimen .
Ang SITG naghupot na karon sa mga CCTV video nga nakuha sa crime scene.
Si Yape gipusil-patay sa riding in tandem samtang naglakaw kini sa dalan Molave Barangay Kamputhaw sa niaging Nobyembre 21, adlaw`ng Huwebes.
