Halos 12,000 na benepisyaryo ng Pantawid Pamilyang Pilipino Program (4Ps) ang nabigyan ng oportunidad sa Trabaho sa Bagong Pilipinas Job Fair.
Makatatanggap din ang 4Ps members ng halagang ₱3,000 financial assistance para sa gastusin sa pre-employment requirements, kabilang ang medical examinations at transportation allowance.
Ang Department of Labor and Employment (DOLE) ang makikipag-ugnayan sa mga business establishments na tatanggap sa mga bagong empleyado habang ang Technical Education and Skills Development Authority (TESDA) ang magsasagawa ng mga trainings para sa mga 4Ps beneficiaries.
Samantala, magkakaroon naman ang Sulong Trabaho SLP Employment Assistance Booth ng Sustainable Livelihood Program (SLP) ng Department of Social Welfare and Development (DSWD) para naman mag-orient sa mga 4Ps members kaugnay ng SLP Employment Track.
Samantala, magsasagawa naman ang 4Ps – National Program Management Office (NPMO) ng serye ng graduation ceremonies nationwide na “Pugay Tagumpay” para sa mga household beneficiaries na nakatakdang mag-exit na sa programa.
