ILOILO CITY – Nagpasar sang resolution ang city council nga nagahingyo sa Public Safety and Transportation Management Office (PSTMO) nga mag-assign sang traffic aides kag police auxiliaries sa entrances kag exits sang kinder, elementary kag high schools sa pagbukas sang klase kun aga kag pagbuhi na kon hapon.
Suno kay Councilor R-Leone Gerochi nagatuga sang dugang nga paggutok sang trapiko ang nagapinaindis-indis nga salakyan apisar nga madamo sang mga kabataan nga nagatabok sa dalan ilabi na kon aga kag hapon.
Pahayag ni Gerochi ang presensya sang traffic aides indi lamang makaamlig sa safety sang kabataan kun makamanage man sang trapiko sa mga lugar malapit sa eskwelahan.
Ginpahayag naman ni Mayor Jed Patrick Mabilog ini nga tikang naga-compliment naman sa mga paghimakas sang syudad para sa pagsustain kag pagmaintain sang child friendly city advocacy.
