Ginapangitaan na karon sang Public Safety, and Transportation Management Office (PSTMO) sang mangin nawong ang mascot nga gamiton sang opisina para sa traffic education program.
Suno kay PSTMO Head Mr. Jeck Conlu, ang mascot amo ang magaserbe nga dagway sang kampanya para sa responsable nga pedestrian, driver kag traffic aide.
Pahayag ni Conlu gamiton nila ng mascot para sa epektibo nga kampanya sa pagpatuman sang mga traffic laws.
Ini bangud madali makakuha sang attention sang publiko ang mascot.
Nagapati si Conlu nga edukasyon ang kinahanglan agud mapahagan-hagan ang problema sa trapiko sa syudad.
Diri nagasulod ang paglambot sa mga estudyante sa syudad sang ILoilo.
Sa karon nagasugod anay ang PSTMO sa pagbuhi liwat sang mga pedestrian overpass kag mga pedestrian lanes nga dapat gamiton gid sang publiko.
Una nga ginbuksan ang overpass sa atubang sang West Visayas State University kag Iloilo National High School sa Luna St., la Paz.
