Davao City – Gitudlo-tudlo ug gibaharan ang usa ka traffic enforcer sa usa ka taxi driver nahitabo alas 10:20 sa buntag sa dalang Petchon St. siyudad sa Davao.
Sumala sa report gikan sa San Pedro PNP, naila ang complainant usa ka Raul Antido, 48 anyos, usa ka traffic enforcer, nagpuyo sa may Bolton Extension Brgy. 40-D samtang ang suspek usa ka Reynaldo Joseph Obra, hingkod ang edad ug residente sa Sampaguita Veruela, Agusan del Sur.
Matud pa samtang nagduty ang naasoy nga traffic enforcer sa nasampit nga lugar, gisita ang maong suspek nga nagmaneho sa usa ka taxi gumikan sa traffic violation kun Obstruction ug sa dihang gibadlong didto nasuko, nangasaba ug nanghulga “nga bantay lang di ko ka biyahe.”
Hinungdan niadtong tungora hilabihang ulawa sa traffic enforcer ug igo nalang sa pagpatala sa buhatan sa presinto sa San Pedro PNP.
RadyoMaN Don Pulayao
