Traffic enforcer gipusil-swerting wala maigo

General Santos City–Padayon pa ang gihimong imbistigasyon sa kapulisan kalabutan sa pagpusil sa wala pa mailhing suspek sa usa ka traffic enforcer nga giilang si Gil Tanawan atubangan sa Sm Mall-Gensan kagahapong adlawa.

Sumala ni Dr. Bhong Dacera, labaw sa Gensan City Disaster Risk Reduction And Management Council kon CDRRMC nga samtang anaa sa iyang trabaho ang nasampit kalit kining gipusil sa suspek.

Swerting wala mapuruhan ang biktima kansa nakalikay sa baba sa kamatayon, ang suspek paspas nga misibat sa wala sayring lugar.


Usa sa mga anggulong gitutukan sa kapulisan sa pagpusil sa biktima mao ang kalabutan sa trabaho niini isip traffic enforcer.

Facebook Comments