Davao City-Mireklamo sa Tugbok PNP si Willam Basan, 44 anyos, Traffic Enforcer, nagpuyo sa Los Amigos Tugbok District, Davao City tungod kay nagpakasal ang iyang legal nga asawa ngadto sa usa ka hapon.
Sa blotter sa Tugbok PNP, giasoy sa traffic enforcer nga tuig 2010 nananghid ang iyang asawa nga si alyas Jane nga manarbaho sa nasod Japan hangtud nga wala na kini mupauli dinhi sa Davao sukad nga migikan padung sa Japan isip Overseas Contract Worker.
Nagduda na ang traffic enforcer nga adunay lain ang iyang asawa human madiskubrehi sa facebook nga duna kini gagmay nga batang hapon nga gika uban.
Nakumpirnar sa mireklamo human nga iyang nasayran sa Bureau of Immigration nga miuli dinhi sa Davao ang iyang asawa ug sa iyang pagsuta sa National Statistics Office, nagpakasal na ang iyang asawa sa usa ka hapon nga ginganlan ug Takatzugo Takizawa.
Kasamang Erin Lumosbog
