BACOLOD CITY – Gina-duso ni Bacolod Traffic Authority Office – BTAO Chief – Police Supt. Luisito Acebuche nga ipa-idalum sa training kag drug test ang kapin sa 400 ka mga traffic enforcers sang syudad sang Bacolod.
Ini matapos sang insidente nga isa traffic enforcer nga assigned sa Panaad Park ang naglumpat sa jeep kag una nga gin-report nga kon tani ma-suicide.
Apang, suno kay Acebuche nga wala nag-hikog ang traffic enforcer kundi nahulog ini bangud man nga tuman nya nga kahulugbon.
Bangud sini, iga-request sang BTAO Chief nga ipa-idalum sa re-training, drug test, physical kag mental exam ang mga traffic enforcers agud malikawan na ang kaangay nga insidente.
Samtang, ginpahayag naman ni Supt. Acebuche nga tuman na lang ka gamay ang naga-violate sa anti-jaywalking ordinance sa downtown area.
Paathag sini nga 20 tubtob 60 nalang ang naga-jaywalk sa diin aware na ukon nakahibalo na ang publiko ko sa diin ang husto nga lugar agud makatabok.
training,
