Davao City – Ginapaningkamutan karon sa City Transport and Traffic Management Office (CTTMO) nga ma-repair ang mga nangaguba nga traffic lights sa syudad sa Davao.
Sa ekslusibong pakighinabi kang CTTMO chief Dionisio Abude, gipasabot niini nga gikinahanglan pa nga i-purchase ang mga materyales gawas sa Davao alang sa mga nangaguba nga traffic lights tungod sa baha gani ginaseguro nila nga adunay mga personahe nga i-deploy alang sa dagan sa trapiko ilabi na nga hapit na ang klase.
Sumala ni Abude, aduna na silay traffic scheme alang sa deployment sa mga traffic enforcers sa matag tunghaan diin kini manerbisyo sugod alas 6:00 sa buntag hangtod sa manguli ang mga estudyante.
Subay niini, gibutyag ni Public Safety and Security Command Center (PSSCC) Deputy Officer Ret. Sr./Supt. Angel Sumagaysay nga magdeploy usab sila og usa ka security guard sa matag public schools sa dakbayan subay sa mandato ni Davao City Mayor Sara Duterte-Carpio atol sa abri-klase.
Giklaro ni Sumagaysay nga summer season pa lang nagdeploy na sila og security guards.
Sa pikas bahin, subling nagpahinumdom si Abude sa tanang Dabawenyo nga mosunod sa balaud-trapiko gani disiplina sa sarili sa paggamit sa pedestrian lane ingon man sa no parking signs.
RadyoMaN Jason Amisola
