Hay mejora el Zamboanga City Police Traffic Division con el deployment del diila mga personajes na mga camino este tiempo de Pascua.
Asegun con el hefe del traffic division Chief Inspector Raymond Sanson, ta anticipa ya el su departamento con el omento numero del mga vehiculo que hay endereza na mga deferentes establisimiento este tiempo de Pascua y anda man compre poreso necesita omenta tambien el diila presencia na camino para asegura cay hinde man-gumon el mga vehiculo hasta llegar na cada cualan destinaccion.
Si Sanson ya abla cay noventa porciento del su mga personajes fuera lang con el mga imbestigador de trapico amo el esta na camino cada dia, inclujido ya su mismo cuerpo para asegura cay hinde hay chene grande problema na trapico del ciudad.
Admitido si Sanson cay presentamente, bien doblao el numero del mga vehiculo que ta corre na mga camino aqui na sentro del fueblo sin embargo, no fuede sila conestos buga cay derecho del mga dueño pasa na camino.
Apelo lang de Sanson con el mga motorista para man respetahan ha unoy-otro si ta corre na camino para evita el desgracia. – *Bhong Simbajon/RMN News*
