Dili katupngan ang gibating kasakit
Tagtungod sa hustisya nagpanyagit
Susama sa sunog nga grabeng kainit
Kinsay responsable nga angay maipit?
Luha midagayday niining kapaskuhan
Trahedya ning hinapos nga katuigan
Pagbuot sa kahitas-an kining tanan
Pagpangaliya ato pang pagahugtan.
Upat ka mga ahensya adunay tahas
Imbestigasyon himuon pikas-pikas
Responsable angay dili maka-ikyas
Sa trahedya nga arang kadimalas.
Usa ka mangil-ngig nga panghitabo
Tagtungod sa biktima ang nagsubo
Kini ang akung sinserong pahasubo
Unta mga responsable mabilanggo.
RadyoMaN Erin Lumosbog
Facebook Comments
