Davao City – Alang sa organisasyon nga Pastors Auxiliary Chaplain Association International Incorporated (PACAII), nabulit sa dili ti-aw nga mga pagsulay ang nasud-Pilipinas nga nakaapekto sa kinabuhi katawhang Pilipino.
Nag-una sa listahan ni Bishop Ariel Coleto, founding chairman sa maong grupo ang kalamidad ug katalagman sama sa bagyo nga mihampak sa Luzon area ug Visayas ug linog denhe sa Mindanao.
Ang mga bagyo ug mga linog wala lamang miguba sa mga panimalay ug panginabuhian apan mikutlo usab ug mi-angol usab og daghang kinabuhi diin daghan sa mga biktima sa mga pagtay-og anaa pa sa mga evacuation centers hangtud karon.
Ikaduha sa pinadaku nga suliran nga gi-atubang sa katawhang Pilipino ug sa nasud mao ang isyu sa droga, ang pasangil nga gibaligya na sa gobyernong Duterte sa China ang Pilipinas, maingon man ang suliran sa droga ug ang pagkontrolar sa mga oligarchs kun mga adunahan sa mga kontrata nga gibulgar ni Pres. Rodrigo Duterte, segun ni Coleto.
Ug kung aduna may nindot nga nahitabo sa nasud karong tuiga, kana mao ang pagka-overall champion sa Pilipinas sa bag-ohay nahuman nga 30th Sea Games human atong nasungkit ang 387 ka medalya gilangkuban sa 149 ka bulawan, 117 ka silver ug 121 ka bronze.
Gisulti ni Coleto nga ang pag-kampeyon sa Team Pilipinas sa SEA Games naghatag og kadaugan ug garbo sa Pilipinas diha sa pangkalibutanong katilingban nga maoy pinakanindot nga nahitabo sa mga Pinoy karong tuiga.
Gipalanog pa sa maong obispo nga kun aduna ma’y panganduyon ang matag usa, kana dili ang kalibutanong kalampusan ug mga bahandi apan ang pagbaton og relasyon kang Kristo Hesus sa kinabuhi nga maoy pinakasentro sa mensahe sa selebrasyon sa Pasko karong bulana.
RadyoMan Joel Viray
