Iligan City- Gibasol sa pipila ka mga iliganon ang TRAIN Law niining paspas nga pagsaka sa presyo sa commercial rice dinhi sa dakbayan sa Iligan.
Alang kanila, dili makatarunganon ang kalit lamang nga pagsaka sa presyo sa bugas nga mapalit sa kamerkaduhan tungod abunda man unta ang supply niini karong panahona.
Matud sa pipila ka nahinabi sa RMN ILIGAN nga posibleng adunay kabuang nga gihimo ang mga negosyante hinungdan nga kalit lang nga misaka ang presyo niini.
Mas maayo matud pang himo-an kini ug imbestigasyon sa kagamhanang lokal o kaha sa city agriculture office aron masutakun nganong kalit lang nga misaka ang presyo sa mga commercial rice dinhi sa dakbayan sa Iligan.
