Trak nga paliko nabungguan sang nagahagunos nga motor, duha pilason

190

Murcia – Paliko na kon tani ang isa ka trak pasulod sa C-Prime VMC Transloading sang gulpi gid lamang binungguan ini sang nagahagunos nga motorsiklo sa diin naospital naman diri ang driver kag backrider.

Nakilala ang mga biktima nga sanday Christian Gallego, 18 kag backrider sini nga si Adrian Ortega, 21 anyos sang Purok Paho, Barangay Iglauan, Murcia.

Nakaagom ini sila sang kapilasan sa ila nga lawas kag gindali dali dala sang Murcia ambulance sa Corazon Locsin Montelibano Memorial Regional Hospital.

Natabo ang insedente las 5:15 kahapon sang hapon sa national highway sang Barangay Iglauan.

Samtang, ginkustodiya naman sang pulis ang driver sang trak nga si Romeo Bagiuo, 44 anyos sang Barangay Bandila, Toboso.

Facebook Comments