Indi magpanubo sang sukot sa pamasahe ang transport groups sa siyudad sang Iloilo sa tunga sang padayon nga pagnubo sang presyo sang produktong petrolyo.
Ginpahayag ni Boyet Parcon, presidente sang ICLAJODA nga indi mapaktan ang hulag sang presyo sang petrolyo kabangdanan nga indi sila magpanubo sang plete sa jeep.
Ginhatagan pagtamod ni Parcon nga apisar naganubo ang presyo sang petrolyo apang nagapabilin naman nga m ahal ang presyo sang nagapanguna nga balaklon kag subong man ang mga piyesa sang salakyan.
Gindugang pa sini nga ginaduso nila sa LTFRB ang bracketing nga dapat sundon kon magsaka panaug ang presyo sang petrolyo.
Sa idalum sini, mahimo nga magpasaka sang pelet ang transport groups kon magtaas ang petrolyo nga indi na kinahangloan mag-file sang petition kag magapanubo man sila sang plete sa tion nga magnubo man ang presyo sang petrolyo.
Photo from web// Photo via Panay News
