Ginakwestiyon karun sang Iloilo City Loop Alliance of Jeepney Operators and Drivers Association (ICLAJODA) ang Land Transportation Franchising and Regulatory Board (LTFRB) angot sa madugay nga pagpaggwa sang bag-o nga fare matrix.
Suno kay Raymundo “Boyet” Parcon, luyag mahibaluan sang mga jeepney drivers kon nga-a tuman ka dugay ang pagpaggwa sang bag-o nga fare matrix sang LTFRB.
Madumduman nga sang Hunyo 22, gin-aprubahan sang LTFRB central office ang ginapangayo nga fare increase nga ginhingyo sang ICLAJODA, Iloilo City Alliance of Drivers Association (ICADA) kag Confederation of Iloilo Provincial Jeepney Owners and Drivers and Association (CIPJODA).
Halin sa P6.50 nga regular nga pamasahe, mahimo na ini nga P9.
Subong man, kon wala sang fare matrix, indi pa mahimo makapanukot sang dugang pamasahe ang mga drivers.
