Ginsulit ni Edgar Salarda, Presidente sang PISTON-Panay nga indi maka-upod sa duha ka adlaw nga nationwide transport strike buwas nga adlaw sang Lunes kag sa Martes, Oktubre 16-17 ang Transport groups sa rehiyon 6.
Ginhatagan pagtamod ni Salarda nga na-alang-alang sila sa preparasyon sa paghiwat sang transport strike nga ginapanawagan sang PISTON National.
Subong man, ginpahayag ni Salarda nga bilang suporta sa nasambit nga lihok sang PISTON-National, magahiwat sila sang Caravan buwas nga adlaw kon sa diin magatipon ang tanan nga maga-upod sa caravan sa Mohon Terminal kag magalibot sila sa mga terminal sa palibot sang siyudad.
Bitbit nila ang kausa sang grupo nga pagpamatuk sa PUV phase out kag lakip na ang pagpakamalaut sa padayon nga pagtaas sang presyo sang produktong petrolyo.
