Sumala ni Melinda Medina, negosyante ug nagpuyo sa Catalunan Grande, naglisod na gani ang kadaghanan gumikan sa pagsutoy sa presyo sa mga palaliton, mas musamot pa gyud ang kalisdanan kon lakip ang pamasahe sa Public Utility Jeepneys (PUJs) mo-usbaw usab.
Niadtong adlaw’ng Martes, subling nagpatuman og big-time oil price hike sa produktong petrolyo ang mga kumpanya sa petrolyo resulta sa pagtiyabaw sa mga motorista karong panahona.
Miangal usab si Angelou Mataos, driver sa rutang Matina Pangi sa pagpunay og saka sa presyo sa petrolyo diin matag adlaw dili moubos sa P1,000 ang matubil niini ug anaa na lang sa P500 ang madala niini nga income gikan sa iyang pagpamasahero kada adlaw.
Kon paboran man sa Land Transportation Franchising & Regulatory Board (LTFRB) ang pagsaka sa pamasahe, bentaha kini ngadto nilang mga driver gumikan mas daku-daku naman unya ang ilang mauli nga kinitaan sa pagwadwad og pamasada.
RadyoMaN Joel Viray
