Davao City – Anaa sa 80 ngadto sa 90 % nga andam ang grupong Tranmission Piston sa ipahigayong local transport strike karong umaabot nga bulan sa Abril dinhi sa syudad sa Davao.
Kini ang gikumpirma ni Transmission Piston XI spokesperson Ricardo Baron atol sa interview sa DXDC RMN Davao.
Dugang ni Baron nga padayon nilang ipanawagan ngadto sa gobyerno ang ilang mulo kabahin sa jeepney phase out diin usa sa ilang mga problema mao ang posibleng daghang jeepney drivers ang mawad-an og trabaho og madayon man ang transport modernization program sa nasud diin buot nilang ipaabot ngadto sa gobyerno nga dili pasagdan ang mga apektadong drivers og madayon man kini.
Subay niini, gipaniguro sa Land Transportation Franchising Regulatory Board (LTFRB) XI nga andam na sila sama nalang sa pagdeploy og mga sakyanan alang sa mga maapektuhan sa maong lihok protesta sa mga transport groups.
Posibleng himuon ang transport strike sa ulahing semana sa Abril o unang semana Mayo.
RadyoMaN Renz Barbarona
