Roxas City, Capiz – Natalana nga igapatuman sa probinsya sang Capiz ang travel restrictions umpisa sa Hulyo 6, 2020.
Ini ang sandig sa Executive Order Number 20- C series of 2020 nga ginpapanaug ni Capiz Gov. Esteban Nonoy Contreras.
Base sa amo nga Executive Order, ang mga indibidwal kag mga salakyan nagikan sa mga lugar sa guha sang probinsya ang indi pagpahanugutan nga makasulod sa Capiz.
Samtang ang mga residente sang Capiz nga yara sa iban nga lugar nga indi makabalik asta Hulyo 5, pagakabigon na nga Locally Stranded Individuals ukon LSIs kag nagakinahanglan nga magsunod sa mga health protocols kaangay sang pagpaidalom sa mandatory 14-days quarantine.
Sa mahibaluan nga sa subong yara ang Capiz sa Modified General Community Quarantine(MGCQ) Status kag maga-apekto ini tubtob Hulyo 15, 2020.
