Pagadian City, Zamboanga del Sur——Patay na ang usa ka lalaki human kining makaplagi sa mga residenti sa kagahapon sa National Highway, Barangay Tiguma ning dakbayan sa Pagadian, lalawigan sa Zamboanga del sur alas 3:45 sayo sa buntag.
Ang biktima nailhang si Ramil Ramis, 23 anyos, dunay kaipon og residentisa Tawagan Sur ning siyudad ug nagtrabaho isip usa ka traysekil drayber kinsa nakaanggkon og samad pinusilan sa iyang likod sa ulo nga milapos ngadto sa iyang mata nga bahin.
Migawas sa imbestigasyon sa kapulisan nga gabii palang nananghid na ang biktima nga mobiyahe bisan paman sa maot nga paminaw tungod sa trangkaso nga iyang gibati niadtong tungura apan nakahimo pa gihapon sa pagbiyahe apan kini na diay ang uwahing adlaw sa panagkita sa iyang live-in partner nga si May Anne Cabilatas.
Motibong nakitan sa kapulisan mao ang pagpangawat sa traysekil sa biktima sa iyang upat ka mga pasahero nga sakay niadtong tungura sa dihang kini anaa naghulat og mga pasahero sa Rizal Avenue ning siyudad.
Tungod nahutdan og gasolina ang traysekil sa biktima maoy hinungdan sab nga kini gibiyaan sa mga suspetsado sa National Highway Tukuran duol sa Serena Beach resort nga posebling walay kapalitan sa gasolina hinungdan nga ilang gibiyaan na lang, sa pagkakaron anaa na gihaya sa ilang panimalay ang biktima samtang kapulisan pabiling nagpangita sa mga suspetsado. (Mel Coronel/Kenneth Alvin Bustamante/ dxpr News team)
