Traysekil mibangga sa nakaparadang trailer truck, drayber patay

119

Pagadian City—–Patay ang usa ka drayber sa pribadong traysekil human nga iyang gibanggaan ang usa ka trailer truck nga nakaparada daplin sa dalan alas 5:30 sayo sa buntag sa Broca street, Barangay San Jose siyudad sa Pagadian.
Ang drayber sa traysekil giilang si Jamcel Paster, 37 anyos, minyo, nagpuyo sa Purok Lanzones, Paglaum-1, Barangay Tuburan ning dakbayan diin ang iyang traysekil nga gimanihoan nagtangag sa plakang 8784 JN.
Sa imbestigasyon sa kapulisan gikan sa ilang panimalay ang biktima padulong unta sa Agora apan pag-abot sa lugar kalit lang mibangga ang traysekil ngadto sa usa ka Fuso nga sakyanan nga adunay plakang RMU-149 nga nakaparada daplin sa kalsada.
Tungod sa kakusog sa pagbangga niini naparok ang ulo sa drayber sa iyang gibanggaan nga miresulta sa iyang hinanaling kamatayon diin sakop sa City Health office ang nagsuta sa patay’ng lawas sa biktima samtang ang kapulisan padayon ang pag-imbestiga kung kinsa ang angayang manubag sa nahitabo. (Mel Coronel/Dxpr News Team)

Facebook Comments