Dakop sa buybust operation sang Station Drug Enforcement Team sang Mandurriao Police Station kag PDEA ang traysikad driver kag ang suplier sini.
Ginkilala ang sikad driver nga subject sa buybust kay Brent Vasquez, 28 anyos kag ang supplier naman amo si Eduard Alegrado Jr., 37 anyos, lunsay residente sang Bakhaw, Mandurriao.
Alas 4:20 kaina sang hapon (june 3) sa nasambit nga lugar sang nabaklan sang isa ka sachet sang shabu si Vasquez sa balor nga 1,500 pesos kag subong man nakuhaan sang tatlo ka sachet si Alegrado nga upod sini nga nadakpan.
Suno sa report sang Mandurriao PNP, si Vasquez ang nagabaligya sang shabu sa mga traysikad driver sa Bakhaw.
Priso na karon sa karsel sang Mandurriao PNP sanday Vasquez kag Alegrado kag natalana nga pagapasakaan sang nagakaigo nga kaso.
