Polomolok, South Cotabato – Dead on the spot ang traysikel drayber human gipusil sa duha ka suspek nga myembro matod pa sa Dawla Islamiya Maguid Group (Nilong Sub-Group) sa may Purok 6 Bagras, Barangay Crossing Palkan sa maong lugar.
Sa inisyal nga imbestigasyon sa Polomolok Municipal Police Station gipangunahan ni Police Lieutenant Colonel Alex Joe Orcajada, giila niini ang biktima sa pangalang Elesito Dignadice, 59 anyos, minyo og tricycle driver nga nagpuyo sa may Brgy. Crossing Palkan sa nasangpit nga lugar.
Nagdrive matod pa ang biktima sa iyahang unit lawig sa may Brgy. Koronadal Proper provincial road gikan Brgy. Lamian paingon og Brgy. Crossing Palkan.
Pag-abot sa biktima sa maong lugar gitapadan kini og nakamotor nga tawo dayon bunlot sa armas og gipusil ang biktima sa makadaghang higayon igo sa iyahang ulo og kalawasan rason nga nahagbong kinin sa iyahang motorsiklo.
Gikuha sa mga suspek ang halin sa biktima gikan sa iyahang pagpamasada nagbalor og dos mil pesos kauban pa ang mga personal nga butang sa biktima.
Base sa nakakita sa maong krimen adunay duha ka tawo ang nagsakay og motorsiklo nga gidudahang riding in tandem.
Samtang mihimo na sa pag-SOCO ang presinto ngadto sa crime scene og narekober ang duha ka basyo sa fired cartridge case (FCC) sa .45 calibre pistol nga gilayong gitugyan ngadto sa Crime Lab Office alang sa Ballistics Examination.
Gilayong gidala sa punerarya ang patayng lawas sa biktima samtang mihimo na og hot pursuit operation aron madakpan ang mga suspek sa maong krimen.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: biktima sa nilong group.jpg]
