Davao City – Gitugutan na nga maka uli ang trese ka mga estudyante sa Holy Cross of Mintal, Davao City human gipangdala sa Holy Spirit Hospital tungod kay nalanag sa gikaon nga kwek-kwek.
Luwas na sa makuyaw nga kahimtang ang mga estudyante tungod kay nag suka-kalibang niadtong miaging adlaw human maka kaon og kwek-kwek nga gibaligya sa kantina sulod sa maong tunghaan.
Hangtud karon wala pay giluwatan nga pamahayag ang school directress nga si sister Steffany Jimena mahitungod sa insidenteng pagkalanag sa mga menor de edad tungod kay dili kini moatubang sa mga myembro sa media.
Apan naghimo na og imbestigasyon ang City Health Office ug lauman karong adlawa adunay ipagawas nga resulta sa ilang imbestigasyon.
RadyoMan Erin Lumosbog
Facebook Comments
