Davao City – Pursegido mupasaka og kasong trespassing ang usa ka ginang batok sa usa ka lalaki kinsa buot unta molungkab sa usa ka lawak natigayon alas 6:30 kagabie sa may dalang San Pedro, siyudad sa Davao.
Subay sa blotter sa San Pedro PNP, ang complainant mao si Elizabeth Guatlo, 62 anyos, nagpuyo sa nahisgutang lugar samtang ang suspect naila nga si Rafic Abdulla, 20 anyos, netibo nga taga Zamboanga del Sur.
Saysay ni Guatlo ngadto sa kapolisan nga samtang anaa siya sulod sa usa ka kan-anan nga nahimutang sa naasoy nga lugar, iyang namatikdan ang duha ka wala mailhing lalaki kauban ang suspect nga nagsilbing look-out diin usa niini misuway og abri sa maong lawak.
Gilayon nisyagit ang complainant hinungdan nga paspas nga nisibat ang duha ka wala mailhing suspect samtang nakorner si Abdulla sa mga tambay dayon gitabangan og kulata.
Daling na-aresto ang suspect ug balhug na karon sa selda sa San Pedro PNP.
RadyoMaN Don Pulayao
