Davao City – Gituohan’g babaye ang suspetsado sa pagpamusil-patay sa usa ka lalaki alas 7:40 sa gabii sa may San Antonio Village, Maparat, Compostela, Comval Province.
Ang biktima giila nga si Jerome Montano, 63 anyos, minyo, netibo sa Babadan, Bunawan, Agusan del Sur, kinsa gipusil kas-a sa ulo nga bahin.
Sa inisyal nga imbestigasyon sa Comval PNP, migula nga usa ka tribal regional administrator sa Philippine Tribal Governance Administration sa Igpit Opol, Misamis Oriental ang biktima, usa kini ka grupo nga naga kolekta og registration fee diin kambyo ang saad nga hatagan og dako nga sweldo ang mu-apply.
Narekober sa crime scene ang usa ka bala sa gituoha’ng .45 kalibre sa pistol.
Sumala sa mga nakakita sa insidente, babaye ang barog sa nipusil sa biktima ug aduna kini kauban nga lalaki nga nagahulat sa motorsiklo gani sila misibat human sa inisidente paingon sa wala matino nga lugar.
Anaa na sa Funeraria de Alar ang patay’ng lawas ni Montano alang sa post mortem examination.
RadyoMaN Jason Amisola
