Nagplano ang Tribu Kandaya gikan sa lungsod sa Daanbantayan amihanang bahin sa Sugbo nga mosalmot sa festival og festivals nga mao ang Aliwan festival sa kaulohan .
Kini human ilang nalangkat ang kampeyonato alang sa Free-Interpretation category sa Sinulog 2018 nga gipahigayon niadtong dominggo, Enero 21 .
Matod sa choreographer sa Tribu Kandaya, Barry Luche, nga magtagbo ug magsabot pa ang ilang team kon ila pang ipadayon ang maong plano gumikan kay ilang gi-target nga makaapil karong Abril .
Ning kasamtangan, nasayran nga wa’ pa mahukman sa Tribu Kandaya kon ila ba i-representar ang Sinulog sa dakbayan sa sugbo o ang Haladaya Festival sa Daanbantayan kon mahinayon sila pagsalmot sa Aliwan festival .
Apan nagkanayon si Daanbantayan Mayor Vicente Loot nga mas maayo kon mahimo silang maka-compete sa national level apan niangkon sab kini nga mamahimong dakong hagit kanila ang pagpasaka sa budget alang niini .
