Sa interbyu sa DXDC RMN Davao kang Kapitan Ursicio Ungab, nagbaton na karon og barangay consulation sa tricycle operators ug stakeholders kabahin sa Brgy. Ordinance No. 2 Series of 2022 o ang “Ordinance limiting the entry of tricycle for hire plying to and from different barangays of Calinan Poblacion” diin kini ipasa usab sa City Transport and Traffic Management Office (CTTMO) nga maoy lead agency niini.
Matud sa kapitan, tumong sa direktiba aron malikayan ang huot nga trapiko sa Calinan Poblacion. Makatabang ang pagbaton og color coding sa tricycles sa matag barangay ug kolor pula ang sticker alang sa Calinan Poblacion.
“Naghimo kami og consultative meeting. Naghimo kami og barangay consultation. (Ang) katuyoan namo na para gyud na ma-decongest, ma-maintain ang smooth ug orderly flow of traffic sa Calinan Poblacion,” sulti ni Ungab. Subay sa maong ordinansa, multa o silot ang ipahamtang sa makalapas sa maong direktiba.
Kapin 3,800 tricycle sa Calinan Poblacion ug ubay-ubay usab naggikan sa ubang barangay.
RadyoMaN Kirby Manzon
